Yeh waqt phir se kisii imtehaan hi ka na ho

Yeh waqt phir se kisii imtehaan hi ka na ho
Aur is me abke zayaaN apni jaan hi ka na ho

Suna hai bazm meN sab ki chhalak paRi aNkhen
KahiiN woh zikr meri daastaan hi ka na ho

Mere qareeb hai tu aur sochtaa huN maiN
K sab tamasha dil E khush gumaan hi ka na ho

Har ek lamhaa ise kori manziloN ki lagan
Ajeeb sar hai kabhi saaibaan hi ka na ho

Har ek sitam pe yeh imkan paalte rahna
K is me haath kisii mehrbaan hi ka na ho

Bas ek khyaal se dil khauf khane lagta hai
Sitam zareef mere khaandaan hi ka na ho

Ghalib Ayaz

Is se phale ke bat Tal jaye

Is se phale ke bat Tal jaye

Aao daour aur chal jaye

AasooN bhari huyee aakheN

Raoshni jis tarah pighal jaye

Dil wo nadaaN shokh bachcha hai

Aag chune ko machal jaye

Waqt,mausam,hawa ka rukh jana

Koun jane ke kab badal jaye

                         Farhat Shazad

School se aane wale bata

     NazmeN

School ka zamana

School se aane wale bata

School ki halat kaisi hai

Itna hi bata de tu mujhko

Ostad ki shafqat kaisi hai

Larke bhi naye aaye hoN ge

Ab unki mohabbat kaisi hai

 Schoolse aane wale bata

School ke chote hisse meN

Ek bagh lagaya tha hum ne

Her phool ke beej lagaye the

PhooloN se sajaya tha humne

Wo bagh hamara kaisa hai

Jo bagh lagaya tha humen

 Schoolse aane wale bata

Angrezi ki ganti meN ab bhi

Kya murgha banaya jata hai

Wo morgha banakar kar phir per

LarkoN per baitha jata hai

AakheN bhi dikhayee jati hai

Danda bhi chalaya jata hai

 Schoolse aane wale bata

Kamre hain wahi chote chote

Ya phir se banaya  hai unko

Hain farsh wahi maile maile

Ya phir se dhulaya hai unko

Tasweer wahi aawezaN hai

Ya phir se sajaya hai unko

 Schoolse aane wale bata

Kya hota hai zikr naiyyer bhi

Ahbab ki mahfil mai gahe

Kya yad bhi karwat leti hai

Mahaul ki manzil mai gahe

Aur huk si uthti hai ke nahi

Ai dost tere dil mai gahe

Schoolse aane wale bata

("Aman_Ullah naiyyer shaokat")

Aata hai yad mujhko guzra huaa zamana

Aata hai yad mujhko guzra huaa zamana

Wobagh ki bahareN wo sab ka chahchana

AazadiyaN kahaN ab apne ghosle mai

Apni khushi se aana apni khushi se jana

Lagti hai chot dil per aata hai yad jis dam

Shabnam ki aasuoN per kaliyoN ka muskurana

Wo peyari peyari surat wo kamni si murat

Aabad jis ke dam se tha mera aashiyana

AatiN nahi sadayeN uske mere qafas meN

Hoti meri rehayee ai kash mere bas mai

Kya badnasib hoon mai ghar ko taras raha hoon

sathi to hain watan mai mai qaid mai para hoon

Aayee bhar kaliyan phooloN ki has rah hai

Mai is andhere ghar mai kismat ko ro raha hoon

Is qaid ke ailahi dukhra kise sunaooN

Dar hai yahi qafas mai, mai gham mai mar na jaooN

Jab se chaman chuta hai ye hal ho gya hai

Dil gham ko kha raha hai gham dil ko kha raha hai

Gana ise samajh kar khush ho ke sunne waloN

Dukhe huyee diloN ki faryad ye sada hai

Aazaad mujh ko kar de ai qaid karne wale

Mai be zabaN hooN qaidi tu chor kar duaa le

                      Allama Iaqbal

Ek chehra to aisa ho...

Ek chehra to aisa ho
Jo mere liye sajta ho

Sham dhale ek darwaza
Rah meri bhi takta ho

Mera dukh wo samjhe ga
Meri tarah wo tanha ho

Ek suhana sa mustaqbil ;
Khab sa koyee deakha ho

Ab shahzad wo dipak hai
Jo tufan mai jalta ho
                  ferhat Shahzad

Rayees E shaher hai jallad logo...

Rayees E shaher hai jallad logo
Yahan qatil phire aazad logo

Hamari sada lohi ke sabab hi
Zamana ban gya saiyaad logo

Lahoo ki Naher jari ho rahi hai
Sipahi ban gye ferhad logo

Hukumat se shikayat hi abas hai
Wahi to hum sitam ejad logo

Mujhe ab tak yaqeeN aata nahi hai
hamara mulk hai aazad logo
                 Abdul Basit

Amir shaher se sayel bara hai...

Amir shaher se sayel bara hai
Bahut nadar , laikin dil bara hai

Lahoo jamne se phale khun baha de
Yahan insaf se katil bara hai

Chattan O main ghira aur chup hai
Samumdar se kahiN sahil bara hai

Kisi basti maiN hogee chuch ki hurmat
Hamare shaher se batil bara hai

Jo zillullah per Iman layee
Wahi danaoN maiN aaqil bara hai

Use kho kar bahayee dard payee
ZayaN chota  tha aur sahil bara hai

                           Perveen Shakir

Ghira aakhoN se chur hokar ...

Ghira aakhoN se chur hokar
Tera saya mojassim nour  ho kar

Ager cocho to wazni ho gyee hai
Hamari bat na manzoor ho kar

Kisi ka pass aakar door hona
KahiN ander mahakna zore ho kar

Nazer kaous kazah si tan rahi hai
Kisi ke jism se bharpur ho kar

Muzaffar deakhna kya ban gyee hai
Ghazal jazbat se mamoor ho kar
                                                Muzaffar Hanfi

Nahi hai jo sehra dar O bam de

Nahi hai jo sehra dar O bam de
Mai khali hooN mujh ko koyee kam de

Tere dasht O wosat se mahroom the
Mere wahashtoN na ilzam de

Kise chahyee ratjagooN ka sila
Kaha kis ne nindoN ka inaam  de

Jahan tak safar mera jari rahe
Wahan tak sakut E sare sham de

Ye kam mojza hai mere khab ka
Haqiqat ka to bhi to ise name de
                   Shahreyar

Yeh jab hai k khab se rishta hai hamara

 Yeh jab hai k khab se rishta hai hamara
Din dhalte hi dil dubne lagta hai hamara

ChehrooN k samander se guzarte rahe phir bhi
Ek aks ko aaeena tarasta hai hamara

In logoN se kya kahyee k kya beet rahi hai
Ahwal mager tu to samajhta hai hamara

Her more pe perta hai wasta isse
Duniyaa se alag kahne ko rasta hai hamara
                       Shahreyar

Tamam khalk E khuda Deakh kar yeh hairann hai

Tamam khalk E khuda Deakh kar yeh hairann hai
Ke sara shaher mere khab se pareshan hai

Mai is safar mai kisi more per nahi thahra
Raha kheyal k wo wadi E ghazlaN hai

Ye ek meN k teri arzoo hi sab kuch hai
Wo ek to ke mere sayee se gurizaN hai

Tuhafz E se tera kyuN nahi mitta
Jo yad rakhna mushkil bhulana aasan hai

Mai is kitab ke kis bab ko parhhoN pahle
Wesal jis ka hai mazmoon feraq unwan hai

Shahr E yar

Usi ka jaanfezaa paighaam aaya

Usi ka jaanfezaa paighaam aaya
Musibat me khuda hi kaam aaya

Zara pasti men qismat aazmaalun
Bulandi se to main naakaam aaya

Bahut unchi uranen bharne walaa
Parindaa aaj zer e daam aayaa

Shaheed e ishq me ye dekhnaa to
Hamaare baa’d kiska naam aayaa

Junun pahle se thaa teri gali men
Kherad ko bhi wahin aaraam aayaa

Hamaari baat banne jaa rahi thi !
Tabhi basti men ek gulfaam aayaaa
              Ghalib Ayaz

HaNse to aaNkh se aaNsu ravaaN hamare hue

HaNse to aaNkh se aaNsu ravaaN hamare hue
K hum pe dost bahut mehrbaaN hamare hue


Bahut se zakhm haiN aise jo unke naam ke haiN
Bahut se qarz sar E dostaaN hamare hue


KahiN to aag lagi hai wajood ke andar
Koi to dukh hai K chehre dhuaaN hamare hue


Garaj baras ke na hum ko dubo sake baadal
To yeh hua K wohi baadbaaN hamare hue


‘Faraz’ manzil E maqsood bhi na thi manzil
K hum ko chhoR ke saathi ravaaN hamare hue
     
                    Ahamad Faraz

Too paas bhii ho to dil beqaraar apnaa hai

Too paas bhii ho to dil beqaraar apnaa hai
K ham ko teraa nahiiN intazaar apnaa hai


Mile koyii bhi teraa zikr chheR dete haiN
K jaise saaraa jahaaN raazdaar apnaa hai


Vo door ho to bajaa tark E dostii ka Khayaal
Vo saamane ho to kab iKhtiyaar apnaa hai


Zamaane bhar ke dukhoN ko lagaa liya dil se
Is aasare pe K ek Gham-gusaar apanaa hai


‘Faraz’ raahat E jaaN bhii vohii hai kyaa kiije
Vo jis ke haath se siinaa figaar apnaa hai …!!
            Ahamad Faraz

Husn ke zer E baar ho K na ho!!

Husn ke zer E baar ho  K na ho!!
Ab ye dil be-qaraar ho K na ho


Marg E amboh dekh aate haiN!!
AaNkh phir ashkbaar ho K na ho


Karb E paiham se hogaya pat_thar
Ab ye seenaa figaar ho K na ho


Phir yahi rut ho ain mumkin hai
Par teraa intezaar ho K na ho


Shakh E zaitoon ke amiN hum haiN
Shahr meN ishtehaar ho K na ho


DaaGh E dil hum dikhaye jate haiN
Us pe hai – Sharmsaar ho K na ho


She’r mere saNbhaal kar rakhna!
Ab ghazal mushkbaar ho K na ho
                           Ghalib Ayaz

Insha Ji Utho, Ab Kooch Karo, Iss Shahr Mai Ji Ka Lagana Kya

Insha Ji Utho, Ab Kooch Karo, Iss Shahr Mai Ji Ka Lagana Kya
Wahshi Ko Sukoo’N Say Kya Matlab, Jogi Ka Nagar MaiN Thikana Kya

Iss Dil K Dareeda Daaman Ko, Dekho To Sahi, Socho To Sahi
Jiss Jholi Mai Sau Chaid Huay, Uss Jholi Ka Phailana Kya

Shab Beeti Chaand Bhi Doob Chala, Zanjeer Pari Darvazay Mai
KyuN Dair Gaaye Ghar Aaye Ho, Sajni Say Karo Gay Bahana Kya

Phir Hijar Ki Lambi Raat Miaan, Sanjog Ki To Hai Aik Ghari
Jo Dil Mai Hai Lab Par Aanay Do, Sharmana Kya Ghabrana Kya

Uss Roz Jo Unko Dekha Hai, Abb Khuwaab Ka Aalam Lagta Hai
Uss Roz Jo Unn Say Baat Huee, Wo Baat Bhi Thi Afsana Kya

Iss Husan K Suchchay Moti Ko, Hum Dekh Sakain Par Chhoo Na SakaiN
Jise Dekh Sakain Par Chu Na Sakain, Wo Daulat Kya Wo Khazana Kya

Usko Bhi Jala Dukhtay Huay Mun, Ik Shola Aag Bhabhuka Bann
Younh Aansu Mai Behh Jana Kya, Younh Maati Mai Mil Jana Kya

Jab Shahr K Log Na Rasta DaiN,  KyuN Bann Mai Na Ja Basraam Kare
Deewano’n Ki See Na Baat Karay, To Aur Karay Dewana Kya

Ibn E Insha

Pahle jab bhi dil dukhta tha

Pahle jab bhi dil dukhta tha
Tujh ko soch liya karta tha

Kal jis jaa baaraat ruki thi
Aaj wahaN par sannata tha

Pahla baal paka dekha jab
Us din to dil doob gaya tha

Uski hatheli par hontoN se
Maine apna naam likha tha

Mere dukh me ro paRti thi
Jaane us ka dil kaisa tha!

Mere pairoN me larzish thi
Tera kutta bhoonk raha tha

‘General Knowledge Book’  meN chhupa kar
Tera khat paRhta rahtaa tha

Ghalib ayaz

SoorateN zakhm ki suhaani huiN

SoorateN zakhm ki suhaani huiN
Dard ki titliyaaN diwaani huiN

Jin ke hone se khush bayaaN the hum
DaastaaneN woh sab puraani huiN

Din dhala, thak ke hum bhi laut gaye
Dukh ki parchhaiyaaN syaani huiN

Ab muqaffal naye makaan meN haiN
Saari cheezeN jo khaandaaneN huiN

Sharm, shokhi, rijhaao, bhola pan
RangateN us ki pur ma'aani huiN

Sach hai, Ghaafil mizaaj thi duniya
AafateN bhi to naagihaani huiN

Khaab sajne lage to din mahke
Aur raateN baRi suhaani huiN
                Ghalib ayaz

Hont ke shigaaf bhar diye gaye

Hont ke shigaaf bhar diye gaye
Lafz paayamaal kar diye gaye!!

Uraan ki sazaa koi ghalat na thi
Khahishon ke par katar diye gaye

Fitratan hi zindagi udaas thi!!!
Warna kitne naghmagar diye gaye

Jaan ki amaan de rahe the woh
Hum harees, nazr e sar diye gaye

Titliyaan udaad hain chaman ko jab
Be hunar bahaar gar diye gaye!!

Zindagi ne dukh hi dukh diye magar!!
Hum “bakhair hain” khabar diye gaye
                                  Ghalib Ayaz

Tere maqtal ki aabroo hum the

Qatl ke waqt baa-wazoo hum the

Yeh nadee ab kise bulati hai?

Pahle to is ki justajoo hum the

Apni basti ko yaad hai ke nahiN

Uski galiyoN ki haau-hu hum the

Tishnagii de rahi thi sairaabi!!

Pyaas k din kanaar e joo hum the

Apne kuchh khaab yad aane lage

Raat maazi ke ru baroo hum the

Jaane kis baat pe vo rooth gaye

Hum nawaalaa the hum sobu hum the
                 Ghalib Ayaz

Khuda ka shukr mujhe besh-az-gumaan mila

Tumhare reshmi aaNchal ka saayabaan mila

Na jaane mujh meN samaayi thiN hijrateN kitni

Tere wajood se mujh ko mera makaan mila

Khuda ne humpe hadeN kitni baNdh rakkhi haiN

Hisaar e jism se nikle to aasmaan mila !!

Hum uske jabr ka qissaa sunaate kis kis ko

YahaaN to jo bhi milaa, uska hamzaban mila

HikayateN thiN meri raaviyoN ke narGhe meN

Phir uske baad jahaaN mujh se bad gumaan mila

Suna hai shahr ki buniyaad us ne daali thi

Jo shakhs kal meri basti me be amaan mila

Ye shayeri mujhe maqdur bhar mili hi nahiN

Magar abhi bhi koi le to mujh se taan mila

                                           Ghalib Ayaz

Bahte daryaa meN utar jana tha

Khaak the aur bikhar jana tha

Us se bichhRe to zamaanaa beeta

Ab talak zakhm ko bhar jana tha

Maan letaa huN tujhe hi manzil!!

Ab kahaaN yaad kidhar jana tha

Hausle ham ne bachakar rak_khe

Jab hameN had se guzar jana tha

Jaan !!! is hijr pe ronaa kaisa!!!

Ek din yuN bhi to mar jana tha

                       Ghalib Ayaz

Tere ishq ki inteha chaahta hooN

Tere ishq ki inteha chaahta hooN
Meri saadgi dekh kya chaahta hooN

Sitam ho K ho wadaa E be-hijaabi
Koi baat sabr-aazma chaahta hooN

Yeh Jannat mubarak rahe zaahidoN ko
K maiN apka saamna chaahta hooN

Zara sa to dil hooN magar shauq itna
Wohi lantaraani suna chaahta hooN

Koi dum ka mehmaan hooN ae ahl E mahfil
Chirag E sehar hooN bujha chaahta hooN

Bhari bazm meN raaz ki baat kahdi
BaRa be-adab hooN sazaa chaahta hooN

            Allama Iqbal

Shak men saare logon ko mubtila yon kar jaaun
Saamne ho teraa ghar,  aur main guzar jaaun!!!

Saath saath chalne kaa  zindagi se waadaa hai
Ji magar mera chaahe, is se ab bichhad jaaun

Kho gaye hain raahi, aur raaste salamat hain
Main to aisi na – deeda, manzilon se dar jaaun

Band har taraf ke dar,   kar de meri naadaaree
Ab main kiske ghar thahrun, ab main kis nagar jaaun

Ishq me barabar hain hum sabhi to phir kyon na
Too gali men ruk ek din aur main baam per jaaun

Khoyi  khoyi  woh  larki,  mere   geet ki  rangat
Muskuraaye woh lekin, main khushi se bhar jaaun

Ghalib ayaz

Khush numa lafz ki sawaari bas

Khush numa lafz ki sawaari bas

Shahr walon ko ek madaari bas

Ishq me aur kya hua hum se

Dhang se ki hai ashk baari bas

Ek nauras kali ka gul ban_na

Zindagi!! teri payedaari bas

Fasl e gul kaynat ki, mujh ko

Teri chahat ki aik kyaari bas

ManzileN Ghair ke liye makhsus

Apne hisse meN khabkaari bas

Ek bejaan muskurahat hai !!!!

Oonche logoN ki inkesaari bas

Aur kiyaa seekhte zamaane se

Hogaye hum bhi kaar o baari bas

 Ghalib ayaz

NamazeN parhna aadat ho gye hai...

NamazeN parhna aadat ho gye hai
Bahut suni ibadat ho gyee hai 


Use aane main kya majburi hogi 
Hami se koyee ghaflat ho gyee hai 


Lahoo main ab wo sachchayee kahan hai
K wo surf E shahaadat ho gyee hai 


Arab ki sar zameeN pakiza kab thi 
Muhammad ki badaulat ho gyee hai


khudako jab se pahchana hai  Alavi 
HameN sab se muhabbat ho gyee hai