Raag Mein Rang Mein Khushbu Mein...

Raag mein rang mein khushbu mein nahaayi hui raat

ORhh lii hai teri yaadoN se sajaayi hui raat

Kya koi sho’la-e-khush-rang chhupa hai mujh mein

Laut jaati hai dar-e-chashm pe aayi hui raat

Ab mere hujraa-e-wahshat mein ammaN chahti hai

Rang aur noor ke haathoN yeh sataayi hui raat

Ho gayiN phir se tahi-dast hamaari aaNkhein

Subh par hum ne lutaadi hai kamaayi hui raat

Mo’jezaa-gar thi teri sard-nigaahi sar-e-shaam

Kitne khaaboN ki mere dil se rihaayi hui raat

Hum har ek cheez ko pur noor samajh baithe hain

Jab se hai khitta-e-ehsaas pe chhayi hui raat

(Ghalib Ayaz)

Deakh zamane ka dastoor...

Deakh zamane ka dastoor

Tu mujh se mai tujh se door

Tanha tanha tanha phirte hai
Dil viraN aankheN be Noor

Dost bicharte jate hain
Shauq liye jate door

Hum apna ghum bhool gaye
Aaj kise dekha majboor

Dil ki dharkan kahti hai
Aaj koye aaye ga zaroor

Koshish lazim hai peyare
Aage jo usko manzoor

Suraj doob chala :Nasir:
Aur abi hai manzil door

Dukh fasana nahi k tujh se kaheN.............

Dukh fasana nahi k tujh se kaheN
Dil Bhi Mana nahi k tujh se kaheN

Aaj tak apni bekali ka sabab
Khud bhi jana nahi k tujh se kaheN

Be tarah haal E dil hai aur tujh se
Dostana nahi k tujh se kaheN

Ek To harf E aashna tha magar
Ab zamana nahi k tujh se kaheN

Qasid hum faqeer logoN ka
Ab thikana nahi k tujh se kaheN

Ya khuda  dar E dil hai bakhshish dost
Aab O dana nahi k tujh se kaheN

Ab to apna is gali men " Faraz "
Aana jana nahi k tujh se kaheN


Ahamad Faraz

Tere qarib aa ke bari uljhano men hooN...........

Tere qarib aa ke bari uljhano men hooN
Mai dushmano men hoon k tere doston hoN

Ai yaar khush dayaar tujhe kya khabar k maiN
Kab se udaasiyoN ke ghane janggaloN men hooN

Tu loot  kar bhi ahl E tamanna ko khush nahiN
Mai lut ke bhi wafa ke qafloN men hooN

Badla na mere baad bhi mauzu E guftagu
Mai ja chuka hoon phir bhi tere mahfiloN men hooN

Mujh se bichhar kar tu bhi roye ga umr bhar
Ye soch le k mai bhi tere khahishoN men hooN

Khud bhi misaal E lala Sehra lahoo lahoo
Aur khud " Faraz " apne tamashayON men hoon

Ahmad Faraz

Tamam ilm tere hain hunar bhi tere hain...........

Tamam ilm tere hain hunar bhi tere hain
Har ek ghaun tera hai  Shahr bhi tere hain
 
Ibadton men  guzari jo raat ,teri hai
Jo ghaflatoN kate wo sehr bhi tere hain 

     Tere kamal ka adna sa ye karishma hai
          Ke aabshar bhi tera hunar bhi tere hain

Alamton men bayaN ki haqiqateN Apni
Kalim tera hai Aur khizar bhi tere hain
                                       
Hum aadmi hi nahi neak o bad k sangam hain
  Tamam khair hain tere to shar bhi tere hain

Isi liye to meri mokhtalif Safahten hain
Ke rahmaten hain teri to qahr bhi tere hain

  ye chalte phirte nazar aarahe hain aadam zaad
Jo zabar khak hue wo bashar bhi tere hain

Hum apni rah se” Basit ” bhtak gaye kaise
Ke Raaste bhi tere Rahbar bhi tere hain

                                   Abdul Basit

BarsoN ke baad dekha ek shakhs dilruba sa
Ab zehn men nahi hai par naam tha bhala sa

Abru khinche khinche se ankhen jhuki jhuki si
BataiN  ruki  ruki  si  Lehja  thaka  thaka  sa

Alfaz the k jugnu aawaz ke safar men
Ban jaye jangaloN men jis tarah raasta sa

KhaaboN men khaab uske yadoN men yaad uski
NeendoN men ghul gya ho jaise k rat-jaga sa

Pahle bhi log aaye kitne hi zindagi men
Wo har tarah se lekin auroon se tha juda sa

Kuch ye k muddatoon se hum bhi nahi the roye
Kuch zahr men ghula tha ahbaab ka dilasa

Phir yuN hua k sawan aankhoN men aa base the
Phir yuN hua k jaise dil bhi tha aablaa sa

Ab such kahaiN to yaro hum ko khabar nahi thi
Ban jaye ga qayamat ek waqeya zara sa

Tewar the be rukhi ke,  andaaz dosti ka
Wo ajnabi tha lekin lagta tha aashna sa

Hum dasht the k darya hum zahr the k amrit
Nahuq the zo’m humko jab wo nahi tha piyasa

Humne bhi usko dekha kal sham ittefaqan
Apna bhi haal hai ab logo “Faraz” ka sa

شام ہوئی سورج ڈوبا

شام ہوئی سورج ڈوبا 

چَلنے لگی اب سرد ہوا 

         
shaam hui suraj duba
Chalne lagi ab sard hawa

Bhini bhini khushbu aayi
Halka halka dard barha

Kisne ki hai ! tujse wafa
Name hai kya ? kuch to bata

Kiski yaad men khoya hai
Raat Barhi ghar ko ja 

Zulfijamil

Mere qatil ko ehsas E zyan hai ...........

Mere qatil ko ehsas E zyan hai
Mera bhai mager kyun shadma hai

ZamiN per jabke barpa hai qayamat
Khuda ki phir khudayee hi kahan hai

Zamin walo mujhe kamter na samjho
K       meri    ibteda   hi   aasman   hai

Koyee bhi uzr ho mai man loonga
Tumhara dost tumper mehrbaan hai
Mujhe  hai  naaz  hai  kajravi  per
Juda sabse mera tarz E bayan hai

Abdul Basit

Yeh waqt phir se kisii imtehaan hi ka na ho

Yeh waqt phir se kisii imtehaan hi ka na ho
Aur is me abke zayaaN apni jaan hi ka na ho

Suna hai bazm meN sab ki chhalak paRi aNkhen
KahiiN woh zikr meri daastaan hi ka na ho

Mere qareeb hai tu aur sochtaa huN maiN
K sab tamasha dil E khush gumaan hi ka na ho

Har ek lamhaa ise kori manziloN ki lagan
Ajeeb sar hai kabhi saaibaan hi ka na ho

Har ek sitam pe yeh imkan paalte rahna
K is me haath kisii mehrbaan hi ka na ho

Bas ek khyaal se dil khauf khane lagta hai
Sitam zareef mere khaandaan hi ka na ho

Ghalib Ayaz

Is se phale ke bat Tal jaye

Is se phale ke bat Tal jaye

Aao daour aur chal jaye

AasooN bhari huyee aakheN

Raoshni jis tarah pighal jaye

Dil wo nadaaN shokh bachcha hai

Aag chune ko machal jaye

Waqt,mausam,hawa ka rukh jana

Koun jane ke kab badal jaye

                         Farhat Shazad

School se aane wale bata

     NazmeN

School ka zamana

School se aane wale bata

School ki halat kaisi hai

Itna hi bata de tu mujhko

Ostad ki shafqat kaisi hai

Larke bhi naye aaye hoN ge

Ab unki mohabbat kaisi hai

 Schoolse aane wale bata

School ke chote hisse meN

Ek bagh lagaya tha hum ne

Her phool ke beej lagaye the

PhooloN se sajaya tha humne

Wo bagh hamara kaisa hai

Jo bagh lagaya tha humen

 Schoolse aane wale bata

Angrezi ki ganti meN ab bhi

Kya murgha banaya jata hai

Wo morgha banakar kar phir per

LarkoN per baitha jata hai

AakheN bhi dikhayee jati hai

Danda bhi chalaya jata hai

 Schoolse aane wale bata

Kamre hain wahi chote chote

Ya phir se banaya  hai unko

Hain farsh wahi maile maile

Ya phir se dhulaya hai unko

Tasweer wahi aawezaN hai

Ya phir se sajaya hai unko

 Schoolse aane wale bata

Kya hota hai zikr naiyyer bhi

Ahbab ki mahfil mai gahe

Kya yad bhi karwat leti hai

Mahaul ki manzil mai gahe

Aur huk si uthti hai ke nahi

Ai dost tere dil mai gahe

Schoolse aane wale bata

("Aman_Ullah naiyyer shaokat")

Aata hai yad mujhko guzra huaa zamana

Aata hai yad mujhko guzra huaa zamana

Wobagh ki bahareN wo sab ka chahchana

AazadiyaN kahaN ab apne ghosle mai

Apni khushi se aana apni khushi se jana

Lagti hai chot dil per aata hai yad jis dam

Shabnam ki aasuoN per kaliyoN ka muskurana

Wo peyari peyari surat wo kamni si murat

Aabad jis ke dam se tha mera aashiyana

AatiN nahi sadayeN uske mere qafas meN

Hoti meri rehayee ai kash mere bas mai

Kya badnasib hoon mai ghar ko taras raha hoon

sathi to hain watan mai mai qaid mai para hoon

Aayee bhar kaliyan phooloN ki has rah hai

Mai is andhere ghar mai kismat ko ro raha hoon

Is qaid ke ailahi dukhra kise sunaooN

Dar hai yahi qafas mai, mai gham mai mar na jaooN

Jab se chaman chuta hai ye hal ho gya hai

Dil gham ko kha raha hai gham dil ko kha raha hai

Gana ise samajh kar khush ho ke sunne waloN

Dukhe huyee diloN ki faryad ye sada hai

Aazaad mujh ko kar de ai qaid karne wale

Mai be zabaN hooN qaidi tu chor kar duaa le

                      Allama Iaqbal

Ek chehra to aisa ho...

Ek chehra to aisa ho
Jo mere liye sajta ho

Sham dhale ek darwaza
Rah meri bhi takta ho

Mera dukh wo samjhe ga
Meri tarah wo tanha ho

Ek suhana sa mustaqbil ;
Khab sa koyee deakha ho

Ab shahzad wo dipak hai
Jo tufan mai jalta ho
                  ferhat Shahzad

Rayees E shaher hai jallad logo...

Rayees E shaher hai jallad logo
Yahan qatil phire aazad logo

Hamari sada lohi ke sabab hi
Zamana ban gya saiyaad logo

Lahoo ki Naher jari ho rahi hai
Sipahi ban gye ferhad logo

Hukumat se shikayat hi abas hai
Wahi to hum sitam ejad logo

Mujhe ab tak yaqeeN aata nahi hai
hamara mulk hai aazad logo
                 Abdul Basit

Amir shaher se sayel bara hai...

Amir shaher se sayel bara hai
Bahut nadar , laikin dil bara hai

Lahoo jamne se phale khun baha de
Yahan insaf se katil bara hai

Chattan O main ghira aur chup hai
Samumdar se kahiN sahil bara hai

Kisi basti maiN hogee chuch ki hurmat
Hamare shaher se batil bara hai

Jo zillullah per Iman layee
Wahi danaoN maiN aaqil bara hai

Use kho kar bahayee dard payee
ZayaN chota  tha aur sahil bara hai

                           Perveen Shakir

Ghira aakhoN se chur hokar ...

Ghira aakhoN se chur hokar
Tera saya mojassim nour  ho kar

Ager cocho to wazni ho gyee hai
Hamari bat na manzoor ho kar

Kisi ka pass aakar door hona
KahiN ander mahakna zore ho kar

Nazer kaous kazah si tan rahi hai
Kisi ke jism se bharpur ho kar

Muzaffar deakhna kya ban gyee hai
Ghazal jazbat se mamoor ho kar
                                                Muzaffar Hanfi

Nahi hai jo sehra dar O bam de

Nahi hai jo sehra dar O bam de
Mai khali hooN mujh ko koyee kam de

Tere dasht O wosat se mahroom the
Mere wahashtoN na ilzam de

Kise chahyee ratjagooN ka sila
Kaha kis ne nindoN ka inaam  de

Jahan tak safar mera jari rahe
Wahan tak sakut E sare sham de

Ye kam mojza hai mere khab ka
Haqiqat ka to bhi to ise name de
                   Shahreyar

Yeh jab hai k khab se rishta hai hamara

 Yeh jab hai k khab se rishta hai hamara
Din dhalte hi dil dubne lagta hai hamara

ChehrooN k samander se guzarte rahe phir bhi
Ek aks ko aaeena tarasta hai hamara

In logoN se kya kahyee k kya beet rahi hai
Ahwal mager tu to samajhta hai hamara

Her more pe perta hai wasta isse
Duniyaa se alag kahne ko rasta hai hamara
                       Shahreyar

Tamam khalk E khuda Deakh kar yeh hairann hai

Tamam khalk E khuda Deakh kar yeh hairann hai
Ke sara shaher mere khab se pareshan hai

Mai is safar mai kisi more per nahi thahra
Raha kheyal k wo wadi E ghazlaN hai

Ye ek meN k teri arzoo hi sab kuch hai
Wo ek to ke mere sayee se gurizaN hai

Tuhafz E se tera kyuN nahi mitta
Jo yad rakhna mushkil bhulana aasan hai

Mai is kitab ke kis bab ko parhhoN pahle
Wesal jis ka hai mazmoon feraq unwan hai

Shahr E yar