Khush numa lafz ki sawaari bas
Shahr walon ko ek madaari bas
Ishq me aur kya hua hum se
Dhang se ki hai ashk baari bas
Ek nauras kali ka gul ban_na
Zindagi!! teri payedaari bas
Fasl e gul kaynat ki, mujh ko
Teri chahat ki aik kyaari bas
ManzileN Ghair ke liye makhsus
Apne hisse meN khabkaari bas
Ek bejaan muskurahat hai !!!!
Oonche logoN ki inkesaari bas
Aur kiyaa seekhte zamaane se
Hogaye hum bhi kaar o baari bas
Ghalib ayaz
No comments:
Post a Comment