Ghazal2

Ek pari-ru ko muNh zabaani huiN
Meri GhazleN to ghair faani huiN

Jin ke hone se khush bayaaN the hum
DaastaaneN woh sab puraani huiN

Din dhala, thak ke hum bhi laut gaye
Dukh ki parchhaiyaaN syaani huiN

Ab muqaffal naye makaan meN haiN
Saari cheezeN jo khaandaaneN huiN

Sharm, shokhi, rijhaao, bhola pan
RangateN us ki pur ma’aani huiN

Sach hai, Ghaafil mizaaj thi duniya
AafateN bhi to naagihaani huiN

Ghalib Ayaz
***************************
Yeh shaam kitni haseeN hai, magar udaas hai dil
Koi sabab bhi naheeN hai, magar udaas hai dil

Bahut dinoN pe maiN phir apne gaaoN aaya huN
Suna hai woh bhi yaheeN hai, magar udaas hai dil

Phir uss makaan ki khiRki meN chaNd ugtaa hai
Phir us meN koi makeeN hai, magar udaas hai dil

Yeh kaaNpte hue hoNtoN ka lams, yeh khushbu
Woh aaj kitna QareeN hai, magar udaas hai dil

Yeh gooNjti hui waadi, yeh nuQrayi aawaaz
YahiN pe wo bhi kaheeN hai, magar udaas hai dil

Bas ek nigaah jise dekhne ki hasrat thi
Woh aaj pahloo nasheeN hai, magar udaas hai dil

Yeh Gham ki shab bhi dhalegi, sehar bhi aayegi
Har ek shai pe yaQeeN hai, magar udaas hai dil

Bahut hi doob ke kahta huN yeh Ghazal ‘Muztar’
BaRi shaguftaa zameeN hai, magar udaas hai dil



By: Muztar Khairabadi
*************************
TUJH KO PHIR AAGHAZ NAYAA DETAA HUN
AA TUJHE MANZIL KA PATAA DETAA HUN

AB ISHQ KAANJAAM KYOUN PUCHTE HO
MAIN ISHQ KI HAR BAAT BATA DETAA HUN

JAB BHI YAAD ULFAT KA SAFAR AATA HAI
CHARAAG-E-ISHQ DIL MEN JALA LETAA HUN

KASHMAKASH MEN DIN BHI GUZAR JAATA HAI
RAAT BHI AANKHON MEN BITAA DETAA HIN

:sartaj:TERI EK WAFAA KE BADLE……
DEKHTAA HUN,TUJH KO MAIN KYA DETAA HUN

Sartaj Anjum
Begusarai